جبر بخاطرها في أهم يوم بحياتها ، ووقف جنبها كأنه أبوها في (مشهد أبكى الحضور)
" محافظ بورسعيد وكيلا لعروس يتيمة في عقد قرانها .. كانت محتاجة أب قبل ما تكون محتاجة وكيل "
- في مشهد إنساني مؤثر، شارك اللواء إبراهيم أبو ليمون، محافظ بورسعيد، فرحة إحدى العرائس اليتيمات في يوم عقد قرانها، وقرر أنه يكون وكيلا عنها أثناء كتب الكتاب .
- الموقف كان كفيلًا أنه يخلي دموع التأثر تنزل من عيون الحضور .. لأن العروسة، وهي بتعيش واحدة من أهم لحظات عمرها، كان غياب والدها ممكن يكون حاضر بقوة في فرحتها .
لكن المحافظ وقف جنبها، وأدى دور الوكيل عنها، في لفتة إنسانية خلتها تشعر إن في حد واقف مكان أبوها، وسندها في اليوم اللي كل بنت بتحلم تعيشه وسط أهلها .
- العروس عبّرت عن سعادتها الكبيرة بالموقف، وقالت إن وجود المحافظ بجانبها في اليوم ده هيبقى ذكرى غالية عمرها ما تنساها .
- أما العريس، فأكد إن اللي حصل كان موقف إنساني كبير، وإن مشاركتهم فرحتهم بالشكل ده خلتهم يحسوا إنهم وسط أهلهم .
- يمكن ورقة اتوقعت في عقد قران .. لكن اللي حصل كان أكبر من مجرد توقيع .
كان جبر خاطر لعروسة كان ناقصها حضن أبوها في أهم يوم في حياتها .
ربنا يفرّح قلبها ويعوضها عن كل لحظة افتقدت فيها والدها .
# اخبار_الغد
